ШӘУУӘЛ АЙЫНЫҢ ОРАЗА КЕСТЕСІ 2019

ШӘУУӘЛ АЙЫНЫҢ ОРАЗА КЕСТЕСІ 2019

Шәууәл айында атқарылатын амалдар

Бірер уақыт бұрын Рамазан айын асыға күтіп, сол айға аман-есен жетсем екен деп жүрген едік, енді, міне, Рамазанды да тәмамдап, оның артынша келетін Шәууәл айына қадам бастық.

Иә, Рамазан – бір адамдар үшін жаңа құлшылықтар мен сансыз сауаптардың бастамасы. Ал біреулер үшін жай ашығу ғана. Мейірімі шексіз Алла Тағала оразаның құндылығын кеш түсініп, сауаптан құр қалғаны үшін сан соғып қалған пендесіне Рамазаннан кейін де мүмкіндіктердің есігін ашып қойды. Сондай есіктің алғашқысы – Шəууәл айының оразасы.

Мұсылман күнтізбесі бойынша Рамазаннан кейін оныншы рет көрінетін ай "Шәууәл айы" деп аталады. Шәууәл - Рамазанның біткендігін білдіретін, Айт мейрамының келгенін сүйіншілейтін ай! Ол – Рамазанда жіберіп алған кемшіліктердің орнын толтыру үшін таптырмайтын мүмкіндік!

Шәууәлдағы қосымша құлшылықтардың ең негізгісі

Шәууәлдағы қосымша құлшылықтардың ең негізгісі - алты күндік ораза. Пайғамбарымыз ﷺ: «Кімде-кім Рамазанда ораза тұтып, сосын оның артынан Шәууәлда алты күн ораза ұстаса, ол жыл бойы ораза тұтқанның сауабын алады» - деген.(Муслим)

Бұл хадис Шәууәлдағы алты күн оразаны тұту Аллаға сүйікті амал екенін білдіреді. Ғалымдар хадистегі "артынша ұстаса" деген мәтінді айт мейрамынан кейін арасын суытпай жалғастырса деген ұғыммен түсіндіреді. Алайда, бұл алты күнді Шәууәлдың ортасында, я болмаса соңында, дүйсенбі, бейсенбі күндері, арасына күн салып ұстаса да рұқсат етіледі. Сонымен бірге үзірлі себептермен оразасын ұстай алмай қалған адам қаза күндерінің орнын да осы Шәууәл айында толықтырып алуға мүмкіндігі бар. Алдымен Рамазан айының қазасын өтеп, кейін Шәууәл айындағы нәпіл оразаны ұстайды.

Назарларыңызға 2019 жылғы Қазақстанның Нұр-Сұлтан, Алматы, Қарағанды, Павлодар, Өскемен, Семей, Петропавл, Талдықорған, Көкшетау, Қостанай, Ақтау, Тараз, Шымкент, Орал, Қызылорда, Атырау, Ақтөбе қалаларына арналған Шәууәл айының ораза кестесін ұсынамыз!

Нұр - сұлтан қаласы