Басты бет Бағдарламалар Роликтер Жаңалықтар Мақалалар Галерея Телехикаялар Біз туралы

ҚМДБ ТӨРАҒАСЫ ОМБЫДАҒЫ ҚАНДАСТАРМЕН ЖҮЗДЕСТІ (ФОТО)

Қазақстан мұсылмандары діни басқармасының төрағасы Ержан қажы Малғажыұлы Ресей Федерациясына жасаған ресми сапары аясында Омбы облыстық «Қайыр-ықсан» мешітінің бір топ жамағатымен жүздесіп, қандастарымызға уағыз айтты, деп жазады ҚМДБ баспасөз қызметі.

Діни басқарманың бүгінгі жұмысымен, атқарылып жатқан игі іс-шараларын баяндай келе Ержан қажы Малғажыұлы жамағатты бірлікке шақырды.

«Құрметті қандас бауырларым, сіздерге айтар насихатым – ең бастысы бірліктеріңізге бекем болыңыздар. Өздеріңіз жақсы білесіздер, кезінде қазақтың басына жеткен талай нәубетті кезеңдер осы бірлігімізге сызат түскеннен кейін болды. Бірлік бар жерде – береке бар. Бір-бірлеріңізге қамқор болыңыздар, біз әрқашан сіздерді қолдап, қолдан келгенше қамқорлығымызды аямаймыз. Осы Омбы облысы бойынша мүфтилеріңіз Бота хазрет Бакуленге қолдау көрсетіп, ортақ сауапты іс-шараларда жанынан табылсаңыздар үлкен жетістікке жетесіздер»деді бас мүфти.

Омбы облысының мүфтиі әрі жергілікті Қазақ қауымдастығының жетекшісі Бота Бакулин Қазақстан мұсылмандары діни бамсқармасының қамқорлығы үшін жылы лебізін білдіріп, алғысын жеткізді.

e-islam.kz

ПІКІР (0)

ПІКІР ҚАЛДЫРУ

Ғибратты бейнероликтер