“Қазақ спорт және туризм” академиясында футболдан “Алматы журналистер лигасының” салтанатты ашылу рәсімі өтті. Айтулы спорт додасы журналистердің бірнеше буынының басын қосты. Іс-шара Қазақстан Республикасының мемлекеттік гимнінің шырқалуымен басталды. Жарыстың қолайлы өтуі үшін тегін футзал ұсынған Спорт және туризм академясының президенті мен ұйымдастырушылар қатысушыларға жүрек жарды лебіздерін жеткізді. Бұл жобаның мақсаты - ақпарат саласы мамандарының бір-бірімен іс-тәжірибе алмасып, салауатты өмір салтын насихаттау.
